Oily skin ke liye face pack

Teliya twacha ka matlab hai muhase aur sthai chipchipi twacha oh! Durbhagyavash hum twacha ko badal nehi sakte Aaiye Dusbus ke iss lekh mein hum batate hai kuch asardaar face packs ke bare mein jo oily skin mein laabhdayak hain.

नम्रता सिंह August 21, 2017 at 10:15

Oily skin ke liye face pack

Har insaan ki skin alag hoti hai aur unki problems bhi. Kuch logo ki skin dry hoti hai, to kuch logo ki oily. Pareshaniyo ka samna to har kisi ko karna padta hai. lekin oily skin wale logo ki pareshaniya ek level zyada hi hoti hai.

ऑयली स्किन

In pareshaniyo se nijaat paane ke liye zaruri hai ke hum skin ko ache se samjhe. Hamari skin natural oil banati hai jisse hamari skin ko narmi milti hai.

kuch logo ki skin me ye oil kam banta hai to kuch logo ke skin me zyada. Pehle type ke logo ki skin dry hoti hai aur dusri type ke logo ki skin oily hoti hai.

Oily skin wale logo ki pareshaniya ek level zyada hone ka karan ye hi hai – natural oil ka zyada banna. Iske karan aise logo ka chehera dull aur kaala nazar aata hai.

oily skin pr dhool aur mitti bhi aasani se chipak jati hai, jiski wajah se aisi skin wale logo ko skin problems ho jati hai. isse nijat paane ke liye bazaar me kayi tarah se products maujood hai, par mehenge hone ke sath sath ye har kisi ko suit nahi karte aur inke side effects bhi ho sakte hai.

Isliye behtar ye hi hoga ke gharelu nuskhoon ka istemaal kiya jaaye. Isme istemaal hone wale saari cheezein asaani se har kisi ke ghar me mil jati hai, aur inke side effects bhi nahi hote.

Banana face pack 

बनाना फेस पैक

1 banana ko ache se mash kar le. Usme 1 tablespoon shehed aur neembu ke rass ki kuch boonde milaye. Ise ache se mila le. Ab is paste ko apne chehere par lagaye aur kareeb 15 minute tak lage rehne de. 15 minute baad thande paani se chehere ko dho le. Chehera sukhane ke baad agar zarurat mehsoos ho to moisturizer lagaye. Is face pack ko kareeb ek hafte tak fridge me rakh sakte hai.

Multani mitti face pack 

Multani mitti chehere ke oil aur gandgi ko hatane ka kaam karti hai. iska face mask badi aasani se banaya ja sakta hai.
2 tablespoon multani mitti ko paani me bhigo le. isme 1 tablespoon gulab jal aur neembu ke rass ki kuch boondein milaye aur ache se mix kr le. Is paste me glycerine bhi mila sakte hai. is paste ko chehere par lagaye aur 15 min baad ya pack sukhne ke baad ise dho le. Ise hafte me 2 se 3 baar istemaal kar sakte hai.

Besan face pack  

बेसन फेस पैक
2 tablespoon besan le, isme thodi se haldi, aur lemon juice milaye. Ab isme 2 se 3 tablespoon milk daal kar iska paste bana le. Is paste ko chehre par laga kar kareeb 20 minute tak rakhe. 20 minute hone ke baad chehere ko ache se dho kar saaf kar le.

Orange face pack

Santare ke chilko ko sukha kar uska powder bana le. Is powder me haldi aur dhoodh mila kar iska paste bana le. Is face pack ko 15-20 minute tak chehere par rakhe aur ghis kar dho le.

Cucumber face pack 

कुकुम्बर फेस पैक

Ek chote size ke kheere ko le kar uska paste bana le. Isme neembu ka rass aur gulaab jal milaye. Is face pack ko kareeb 20 minute ke liye chehere par lagaye aur dho le. Ise roz bhi istemaal kiya ja sakta hai.

Neembu aur shehed face pack 

Is face pack ko banana ke liye 1 tablespoon shehed me aadhe neebu ka rass milaye. Is mishran ko chehere par lagaye aur kuch der baad dho le. Kuch hi dino me iska asar dikhne lagta hai.

2 thoughts on “Oily skin ke liye face pack”

  1. अच्छा लेख ! मैंने बहुत से फेस पैक का इस्तेमाल किया लेकिन किसी भी फेस पैक से कुछ नहीं हुआ , फिर मैंने मस्तानी फेस पैक की कोशिश की। यह प्राकृतिक और बहुत प्रभावी है| आप यह मस्तानी फेस पैक जरूर इस्तेमाल करे और आपको १०० परसेंट रिजल्ट आएगा |

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.