Kya kidney stone ki ek wajah hai kam paani peena?

Gurde ki pathari se bachne ke liye aap jo sabse acche upaay kar sakte hai, unmein se ek bahut sara pani pina hai, aaeye janate hain isi vishay mein kuch zaruri tathya.

नम्रता सिंह August 19, 2017 at 10:15

Kidney stone ya gurde ki pathri aajkal ek aam beemari banti ja rhi hai. yah kisi ko bhi ho sakti hai. Hamare aas paas kahi na kahi ye sunne ke liye mil jata hai, ki uss vyakti ko pathri ki beemari hai. kidney stones ka dard bahat tezz aur asehniya hota hai. Is beemari se bachne ke liye ise ache se samajhna aur isse bachne ke upaay janna bohot zaruri hai.

किडनी स्टोन
Kidney stone ki problem tab hoti hai jab kidney me chote chote pathhar bann jate hai. ye patthar mukhya roop se salts aur minerals hote hai jo kidney me jam jate hai aur patthar ka roop le lete hai.

Pathri zyadatar 40 saal ki umra ke baad pata lagna shuru hoti hai. lekin aajkal ye beemari kam umra wale logo me bhi paayi jati hai.
Kidney mein ek se zyada pathri ho sakti hai aur iska size 2-3 milimetre tak hota hai.

Pathri hone par pet me asahneey dard hota hai. Pathri hone ke kaaran ulti, peshab ke rang me badlaav, bukhar, aur paseena bhi aata hai.

Kidney hamare sharir me fluids, minerals salts aur kayi saari saari cheezon ka santulan bana kar rakhti hai. Jab in sab cheezon ka santulan bigdata hai to ye stones ko paida karti hai.

किडनी पैन
Kidney me pathri hone ka ek mukhya kaaran hai kam paani peena. Kam paani peene se urine kam matra me banti hai. Ye bhi beemari ka kaaran bann sakti hai. Urine hamare sharir se kharab cheezon ko nikalne ka kaam karti hai. Hamare sharir ke salts aur minerals urine me ghul kar hamare sharir se baahar nikal jaate hai.

Jo log garam jagahon par rehte hai ya jo kam paani peete hai, unke sharir me urine kam matra me banta hai. Iske kaaran hamare sharir ke salts aur minerals kam urine me hi ghul jaate hai.

kam urine me zyada matra me salts aur minerals ghulne ke kaaran urine concentrated ho jata hai aur iska rang bhi gehra ho jata hai aur vo poori tarah se in salts ko nahi nikal paata jo aage chalkar kidney me jamne lagte hai aur stones ka roop le lete hai.

Zyada matra me taral padaarth ka sevan karne se kidney stones ko banne se roka ja sakta hai. Zyada matra me taral padaath ka sevan karne se urine dilute ho jayega. Taral paadarthon me sabse upar hai paani. Har insaan ki paani ki zarurat uske sharir ke hisab se alag alag hoti hai.

किडनी स्टोन
Jin logo ko pathri ki pareshani hai, u

Un logo ko itna paani peena chahiye jisse vo kareeb 2.5 litre urine har roz bann sake. Ausatan, iske liye ek vyakti ko ek din me 3 se 4 litre paani peene ki zarurat padegi.

Sahi matra me paani peene se kidney stones ko banne se roka bhi ja sakta hai aur usse thik bhi kiya jaa sakta hai. Paani sabse acha taral padarth hi nahi, har inssan ki aham zarurat bhi hai.

Leave a Reply

Your email address will not be published. Required fields are marked *