Chikangunia ke lakshan

Chikungunia maccharke katne se phaylnewala ek behad piradayak sankramak rog hae. Chikunguia ke vishay mein jaankari ke liye ye lekh parein aur Chikungunia ke lakshan, karan, chikitsa, bachav ke bare sampurna jankari payein.

जसविंदर कौर रीन September 12, 2017 at 10:15

Charo or hariyali or pani ki fuhare barish ka mausam hai hi itna lubhavana ki man moh leta hai. Parantu is barish ke sath sath kai chote chote jeev bhi utpann hote hai. Jinme machchhar pramukh hai or ek badi sankhya me yah paida ho jate hai. Barish ke jame hue pani ke karan machchar panapne lagte hai isi sab se hoti hai kai bimariya jaise malaria dengu typhoid.

Chikangunia bhi inhi me se ek hai.ek adhyan ke mutabik yah sabit hua ki chikangunia bhi ek machchar ke katne se ho sakta hai. Jo machchar se dengu hota hai usi machchar ke katne se chikangunia bhi ho sakta hai. 

Chikangunia ka bukhar to 3 ya 4 dino me chala jata hai parantu uske karan jodo me jo dard hota hai use jane me kai hafte lag jate hai. Dwaiyo ko bhi asar hone me bahut smay lag jata hai. To kaise pata lagaye ke kya lakshan hai is mahamari ke. Aaiye vistar se jante hai .

 
Chikangunia ka bukhar bhi aam bukhat ki tarah hota hai. Usme badan garm hone lagta hai. Shuruvati daur me to yah pata lagana asambhav hai ki yah aam bukhar hai ya fir chikangunia.

Is bukhar me doctor bhi wahi aam paracetamol dete hai jo sadharan bukhar me di jati hai. Parantu is dava ka jyada prayog bhi apke lever ko nuksan pahucha sakta hai.

Ese me aap thande pani ki pattiyo dwara sharir ke tapman me kami lane ki koshish kare to hi jyada behter hoga. 


Chikangunia ka sabse bada lakshan hai jodo me dard hona. Aamtaur par umar badane ke sath sath jodo me dard ki shikayat bani rehti hai parantu jab yah bachcho me or jawano me dikhai de to yah chintajanak vishay hai.

Bukhar aane ke sath sath din bhar jodo me dard bana rehta hai vo bhi itna adhik ke uthne baithne me bhi takleef  hoti hai. Jodo ke dard ke sath sath kuch

 Logo ko pairo me sujan bhi chadne lagti hai jiske karan samanay sthithi me kam karna bahut hi mushkil ho jata hai. 

शरीर पर रैशेस


Kai logo me yah bhi dekha gaya hai ki unke sharir par rashes bhi hone lagte hai. Yah samanay chikangunia ka lakshan to nahi hai par kuch case me ise bhi dekha gaya hai ki hatheliyo par ya pairo ke pas nishan dikhai dene lag jate hai.

Jakdan , badan dard, tej sar dard , ulti, Machlahat ye bhi chikangunia ke lakshan hi hai. Is bimari me sharir me dhilapan aa jata hai aur man bhi udas hi rehne lagta hai. Iski ab  tak koi dawai banai nahi gai hai jo lene se yah turant theek  ho jaye.

Bukhar ja sakta hai lekin badan dard itna aasani se nahi jata. Isliye agar yah lakshan aaoko bhi dikhai de to turant doctor ke las jaye or apna parikshan karwaye.

Leave a Reply

Your email address will not be published. Required fields are marked *