Adhik Chawal Khane ke Nuksaan!

Adhik Chawal vastav mein swasthya ke liye uchit nahi hai aur yeh aapka vajan badhakar aapki rakt vaahikaon ko rok sakta hai.Chabane wale padarthon ko shareer ke liye pachana kathin hota hai kyuki inka vibhajan kathin hota hai.

Natijatan dheema pachan hriday se judi kai samasyaen paida kar sakta hai. Jaise ki aapne wo purani kahavat to suni hi hogi ki ati kisi cheez ki acchi nahi hoti aur phir khana to hamare shareer ki sabse aawashyak zarurat hai jiske saath koi khilwaad nahi kiya jaana chahiye.

Ye to sahir ki baat hai aap un rogon se bachna chahenge to adhik Chawal khane se bachein. Kaye aise maamle hain jahan chikitsakon ne paaya hai ki bahut saare logon ki swasthya pareshaniyon ki mukhya wajah Chawal hai.Yeh vaigyanik roop se bhi saabit ho chuka hai.  

Asia k kuch hisson mein chawal ka upbhog 85% tak kiya jata hai. Agar aap chawal kha rahe hain to ye dhyan rakhiye ye swad ke liye hai swasthya k liye nahi.

Agar aap paachan sambandhi kisi samasya ka saamana kar rahe hain too kuch din ke liye chawal kam kar dijiye, ya chhod dein aur aap khud hairaan honge ki aapki samasya kaise samaapt ho gayi.

Chawal kai vitamin aur khanizo k avsoshad ko rokta hai. Agar aap jyada chawal apne bhojan mein shaamil kar rahe hain too vitamin B,Loha aur Jasta jaise poshak tatvo k kam avsoshad ka ehsaas samay ke sath hoga.

Agar aap chawal ke aadi hain to chhorna aapke liye kathin hoga par kam karna nahi.

Haward school of public health mein ek naye adhyan se pata chala ki bahut se safed chawal khane wale log type 2 madhumeh ke vikaas ke jokhim se adhik prabhavit hain.

Haward shodhkartaon ne safed chawal ki khapat par pehle ke chaar adhyanoon ka vishleshan kiya jismein China,Japan,America aur Australia ke 352,000 se adhik log shamil the jinhe madhumeh nahi tha.

Shodhkartaon ne anuvarti awadhi ke shodh k baad paaya ki jo log 4 se 22 varsh ke the unmein lagbhag ko 13,400 ko type 2 madhumeh tha.

Jin logo ne sabse adhik Chawal khaya,unmein kam se kam chawal khaye logo ki tulna mein madhumeh hone ki sambhavna 1.5 guna adhik thi.

Jo log jyada chawal khate hain keval unhe hi jokhim nahi hai balki jo starch carbohydrate jaise safed roti,safed pasta aur safed aloo paryapt roop se khate hain unmein bhi sambhavnayein bilkul vaisi si hi hain.

Madhumeh hi keval chawal se juda jokhim nahi hai,pichhle saal hue ek adhyan mein paya gya ki chawal mein aarsenik rasayan ka khatarnak istar ho sakta hai jisse cancer ka khatra badh jata hai. Isiliye chawal ki matra apne bhojan mein santulit rakkhe aur swasth rahein.